د اقتصاد وزارت سرپرست: نړیوالې مرستې د افغانستان د بې وزلۍ په کمولو کې پرېکنده نه دي

د معمار پرس د خبر له مخې؛ د طالبانو د اقتصاد وزارت سرپرست دین محمد حنیف د افغانستان لپاره د بشري ټولنې له نوي مشر ډینیل انډریسن او د ملګرو ملتونو د بشري مرستو د همغږۍ د دفتر (OCHA) له مشرې مېرمن ایزابیل موسارډ سره کتلي او ویلي یې دي چی نړیوالې مرستې په افغانستان کې د بې وزلۍ په کمولو کې پرېکنده نه دي. د طالبانو ډلې د اقتصاد وزارت په یوه خبرپاڼه کې ویلي دي چی په دې کتنه کې د افغانستان لپاره د بشري ټولنې مشر د پوهنې، خوړو، د ژوند د ښه والي، حفظ الصحې، د څښاک د صحي اوبو او معلوماتي روغتیا په برخو کې د دغې ادارې د فعالیتونو او پروژو په اړه معلومات ورکړل شو. هغه وويل: «افغانستان د نړيوالې ټولنې برخه ده او مهم ګڼل کيږي. بشردوستانه مرستې بې له شکه په دې وخت کې زموږ د خلکو لپاره مهم رول لوبولی دی، مګر دا مرستې د بې وزلۍ په کمولو کې پریکړه کونکي ندي.