د معمار پرس د خبر له مخې؛ د طالبانو د سیاسي مرستیال مولوي عبدالکبیر د قزاقستان د صدراعظم له مرستیال جومانګارین سره په کتنه کې د سیمې له ټولو هېوادونو په ځانګړې توګه له قزاقستان سره د اړیکو د پراختیا او د تعامل د زیاتولو لپاره د دغې ډلې په لېوالتیا ټینګار وکړ. په دې کتنه کې د طالبانو سیاسي مرستیال له افغانستان سره د سوداګرۍ، ترانزیټ او اوږدمهاله پانګونې اړیکو پراخولو ته د قزاقستان چمتووالي ته په اشارې سره وویل: “موږ غواړو د سیمې له هېوادونو سره د اقتصادي او سوداګریزو فرصتونو د پېژندلو او ګټه اخیستنې په برخه کې همکاري وکړو.” هغه همدا راز د افغانستان نسبي ثبات ته هم اشاره وکړه او هیله یې څرګنده کړه، چې دا به له نورو هېوادونو سره په بېلابېلو برخو کې د اړیکو د پراختیا بنسټ شي.
لینک کوتاه: https://memar.press/?p=8389
۷ میاشتی پیش
شماره خبر 8389
منتشر شده در ۱۵:۱۰ - ثور ۹, ۱۴۰۳
Facebook
Twitter
WhatsApp
Telegram
Email
