د معمار پرس د خبر له مخې؛ په افغانستان کې د اربعین همغږۍ کمېټې مشر سید رضا حسیني میثم اعلان وکړ چې د افغان زیارت کوونکو لپاره د اربعین ویزې ترلاسه کولو لپاره د ۵۰۰ ډالرو د امانت ورکولو اړتیا لرې شوې ده، او د ترانسپورت په برخه کې هم نوې اسانتیاوې په پام کې نیول شوې دي.
له رسنیو سره په یوه مرکه کې، هغه وویل: دا بدلون د ایران د اسلامي جمهوریت د چارواکو، په ځانګړې توګه د بهرنیو چارو وزارت سره د لیدنې په ترڅ کې د حضرت آیت الله سیستاني د استازي له خبرو اترو وروسته رامنځته شو.
