د معمار پرس د خبر له مخې؛ د ملګرو ملتونو امنیت شورا اعلان وکړ چې سبا (دوشنبه، د مارچ ۱۰مه) به د افغانستان د وضعیت د بیاکتنې لپاره یوه ځانګړې غونډه وکړي.
ټاکل شوې ده چې دا غونډه په نیویارک کې د ملګرو ملتونو په مرکزي دفتر کې جوړه شي او په افغانستان کې به د وروستیو سیاسي پرمختګونو، بشري وضعیت او امنیتي ننګونو باندې تمرکز وکړي.
د راپورونو له مخې، د افغانستان لپاره د ملګرو ملتونو ځانګړې استازې او د یوناما (په افغانستان کې د ملګرو ملتونو د مرستندویه پلاوي) مشره، روزا اوتونبایوا به په دې غونډه کې د افغانستان د وضعیت په اړه یو تازه راپور وړاندې کړي.
