د افغانستان پر صادراتي توکو د چین د ګمرکي تعرفو لغوه کول

د معمار پرس د خبر له مخې؛ په چین کې د طالبانو سفیر بلال کریمي د چین د بهرنیو چارو وزارت د اسیا د څانګې له مشر لیو جین سونګ سره وکتل. نوموړي د دواړو هېوادونو ترمنځ د سياسي، اقتصادي، ترانزيټي او سوداګريزو اړيکو پر پراختيا او له نورو هېوادونو سره د مثبتو تعاملاتو او همکاريو پر دوام خبرې وکړې. په دې کتنه کې سونګ د افغانستان او چین ترمنځ د واخان دهلیز د جوړولو لپاره د طالبانو هڅو ته په اشارې سره وویل: ولسمشر به د راتلونکي کال له پیله د افغانستان په ګډون د ۴۰ هېوادونو پر صادراتي توکو ګمرکي تعرفې معاف کړي. په افغانستان کې د طالبانو له راتګ وروسته چین د طالبانو یو له اقتصادي شریکانو څخه شو.