د معمار خبري آژانس د راپور له مخې؛ د ملګرو ملتونو د امنیت شورا په تازه راپور کې خبرداری ورکړی چې د طالبانو او پاکستان ترمنځ د کړکېچونو دوام، په ځانګړې توګه په سرحدي سیمو کې، افغانستان ته جدي اقتصادي او امنیتي پایلې لري.
د راپور پر بنسټ، د مهمو سرحدي پولو لکه تورخم او سپین بولدک د بند پاتې کېدو له امله، افغانستان هره ورځ شاوخوا یو میلیون ډالري اقتصادي زیان سره مخ کیږي. دغه زیانونه د سوداګرۍ کمښت، د توکو بیو لوړوالی، او د خوراکي توکو او اړینو توکو د رسونې د زنځیر ګډوډي شاملوي.
امنیت شورا ټینګار کړی چې د پولې وروستي کړکېچونه د طالبانو د سرحدي ځواکونو او د پاکستان د پوځ ترمنځ د مستقیمو نښتو له امله رامنځته سوي، او که بنسټیزو مسایلو ته پام ونه سي، د دواړو اړخونو ترمنځ د نظامي مخامخۍ خطر سته؛ داسې وضعیت چې سیمهییز ثبات تهدیدوي.
دغه نهاد دواړو خواوو ته سپارښتنه کړې چې د خبرو اترو او ډیپلوماتیک منځګړتوب له لارې اختلافات هوار کړي او زمینه برابره کړي ترڅو سرحدونه بیا پرانستل سي او اقتصادي اړیکې له سره پیل سي
