د افغانستان شیعه عالمانو په هېواد کې د بې تبعیض حکومتولۍ غوښتنه وکړه

د معمار پرس د خبر له مخې، د طلوع نیوز د راپور له مخې، یو شمېر شیعه عالمانو د «د مسلمانانو په معنوي ژوند کې د علماوو رول» تر نامه لاندې پروګرام کې د طالبانو له حکومته غوښتي چې په افغانستان کې له تبعیض پرته حکومت وکړي. دوی په افغانستان کې له «اسلامي نظام» د ملاتړ په څرګندولو سره وايي، چې شیعه ګانو په هر ډول شرایطو کې له سرپرست حکومت سره همکاري کړې ده. د دوی په وینا، د ټولنې د اصلاح لپاره باید دیني عالمان او حکومت په ګډه کار وکړي. له دې مخکې هم یو شمېر شیعه عالمانو په افغانستان کې د شیعه ګانو غوښتنو ته د طالبانو د سرپرست حکومت په سپارلو ټینګار کړی دی.