په همدې وخت کې چې طالبان په هرات کې په تعلیمي او درملنیزو مرکزونو کې نوي بندیزونه لګوي، یو شمېر ښځې وايي دا پرېکړې د ښځو لهصحنې ایستلو ښکاره هڅه ده. معترضې ښځې وايي طالبان د پراخو خنډونو په رامنځته کولو سره، په شمول د برقع د اجباري کولو په تعلیمي مرکزونو کې، د ښځو لپاره د زدهکړې او کار شرایط ډېر سخت او نږدې ناشوني کړي دي.
د دوی په وینا، دا مایوسوونکې اقدامات د طالبانو د منظم سیاست برخه ده چې غواړي ښځې د ټولنې له برخې وباسي. مسعوده کوهستاني، چې د ښځو د حقونو فعاله ده، د دې حالت په غبرګون کې ویلي دي: «د طالبانو دا کړنې د ښځو د حضور پر وړاندې د هغوی د کرکې څرګندونه کوي. هغوی هڅه کوي ښځې بندیانې کړي او د هغوی ټولنیز رول په بشپړ ډول له منځه یوسي.»
هغې ټینګار کړی چې د دې حالت دوام به د افغانستان راتلونکی د سقوط کندې ته بوځي، ځکه یو داسې ټولنه چې ښځې پکښې فعاله ونلري، د ژورو ټولنیزو او اقتصادي بحرانونو سره به مخ سي. د یادونې وړ ده چې طالبان له بیا واک ته رسېدو وروسته، په پرلهپسې ډول د ښځو د کار، زدهکړې او ټولنیز حضور پر ضد د محدودیتونو ګڼ فرمانونه صادر کړي دي.
