د افغانستان په چارو کې د ایران سفیر او ځانګړي استازي حسن کاظمي قمي د طالبانو حکومت د بهرنیو چارو وزارت له سرپرست امیر خان متقي سره وکتل او د افغانستان د وروستیو پرمختګونو په اړه یې ورسره خبرې وکړې.
د طالبانو د ویاند مرستیال حمدالله فطرت په ایکس چینل کې لیکلي چې د دغو غونډو موخه د ایران او افغانستان د دوستانه اړیکو څیړل او پیاوړي کول وو.
باید و ویل شي، چې تېره ورځ په افغانستان کې د ایران سفیر او ځانګړي استازي د طالبانو د لومړي وزیر له سیاسي مرستیال عبدالکبیر سره کتلي وو.
تر دې مخکې د ایران د ولسمشر ځانګړي استازي د طالبانو له بهرنیو چارو وزیر سره په لیدنه کې د اوبو د کمښت د ستونزې د حل او د ایران د اوبو د حقونو د خوندي کولو غوښتنه کړې وه.
