د معمار خبري آژانس د راپور له مخې؛ محمد صادق، د افغانستان په چارو کې د پاکستان ځانګړي استازي ویلي چې د اسلامي همکاریو د سازمان له مرستیال سرمنشي سره یې لیدنه کړې او د افغانستان د بشري وضعیت او سیمهییزو تحولاتو په اړه یې خبرې کړې دي.
د افغانستان په چارو کې د پاکستان ځانګړي استازي نن سهار یکشنبه د قوس ۹مه په خپله ایکس پاڼه لیکلي چې له طارق علي بخیت، د اسلامي همکاریو سازمان د بشردوستانه، فرهنګي او ټولنیزو چارو مرستیال سرمنشي او د افغانستان په چارو کې ددې سازمان ځانګړي استازي سره یې «جالبه او پر معلوماتو ولاړه» خبرې کړې دي. د محمد صادق په وینا، په دې لیدنه کې دواړو لورو د افغانستان د بشري وضعیت او همدارنګه د سیمهییزو او نړیوالو پېښو په اړه بحث او نظرونه تبادله کړي دي.
