د معمار پرس د خبر له مخې؛ د افغانستان د فوټسال ملي لوبډلې د مراکش د څلور اړخیزې ټورنمنټ د درجه بندۍ لوبه وګټله.
دا لوبه د ۱۴۰۴ کال د حمل ۲۴مه د یکشنبې په شپه ترسره شوه او د افغانستان ملي لوبډلې د چین د فوټسال ملي لوبډلې ته د ۶-۲ په توپیر ماتې ورکړه.
دا سیالۍ د مراکش په کوربه توب ترسره شوې او د افغانستان، پرتګال، چین او کوربه مراکش ټیمونو پکې برخه اخیستې وه.
د درجه بندۍ په دې بریا سره، د افغانستان ملي لوبډلې په ټورنمنټ کې دریم مقام خپل کړ او ښه وړتیا یې وښوده.
