د معمار خبري آژانس د راپور له مخې؛ یو تازه ارزونه چې د ملګرو ملتونو په مشرۍ ترسره سوې، ښيي چې د افغانستان په ختیځو زلزلهځپلو سیمو کې د کورونو، ښوونځیو او حیاتي خدماتو د بیارغونې لپاره ۱۲۸.۸ میلیونه ډالرو ته اړتیا لري.
دغه تازه خپور سوی راپور څرګندوي چې پرلهپسې زلزلو د افغانستان په ختیځ کې، په ځانګړې توګه د کنر په ولایت او نژدې سیمو کې، درانه زیانونه اړولي دي او زرګونه کورونه، تعلیمي مرکزونه او خدماتي تأسیسات یې ویجاړ کړي دي.
د دې ارزونې د موندنو پر بنسټ، په دغو سیمو کې د سرپناه، روغتیایي تأسیساتو، ښوونځیو او د اوبو او انرژۍ شبکو د بیارغونې بیړنۍ اړتیا موجوده ده. په ورته وخت کې، راپور خبرداری ورکوي چې د نړیوالې ټولنې له خوا د مالي مرستو سخت کمښت د بیارغونې بهیر له جدي خنډونو سره مخ کړی دی. د مرستې رسونې نړیوال بنسټونه له مرستهکوونکو هېوادونو غواړي چې د ژمي له رارسېدو او د بحراني وضعیت په پام کې نیولو سره، خپلې مالي ژمنې زیاتې کړي ترڅو د زیانمنو کورنیو بیړنۍ اړتیاوې پوره سي.
