د معمار پرس د خبر له مخې؛ د افغانستان لپاره د اسلامي همکارۍ سازمان ځانګړي استازي طارق علي بخیت د مالیزیا د بهرنیو چارو وزارت ځانګړي استازي داتو احمد اعظم عبدالرحمن سره وکتل او په هیواد کې د وروستیو پرمختګونو په اړه یې بحث وکړ.
د اسلامي همکارۍ سازمان د مطبوعاتي اعلامیې له مخې، د غونډې اصلي موضوعات په افغانستان کې د اوسني وضعیت بیاکتنه، د هیواد د خلکو د ملاتړ لپاره د سازمان هڅې، او د ملګرو ملتونو تر سرپرستۍ لاندې د دوحې پروسې په چوکاټ کې د وروستیو کاري ډلو غونډو پایلې شاملې وې.
