د اروپایې اتحادیې د مرستې څلورمه جوپه افغانستان ته ورسیده

د معمار خبری آژانس د راپور له مخې، اروپایې اتحادیې ویلي چې د دوی د بشردوستانه مرستو څلورمه الوتکه افغانستان ته رسېدلې ده. دا مرسته د افغانستان په لویدیځ کې د وروستیو زلزلو زیان‌منو لپاره ځانګړې سوې ده. د اروپایې اتحادیې د ایکس رسمي پاڼې له مخې، دغه الوتکه د سه شنبې په ورځ، د میزان په اوله، د ۲۵۰ ټنو ضروري توکو او تجهیزاتو سره په افغانستان کې هوايي ډګر ته رسېدلې ده. اروپایې اتحادیې ټینګار کړی چې د مرستو لړۍ به دوام وکړي او په راتلونکو ورځو او اونیو کې به نورې الوتکې افغانستان ته واستول سي. دغه مرسته د خیمو، کمبلو، د تودوخې وسایلو، صحي تجهیزاتو او نور توکي چې د بیړنیو حالتونو لپاره اړین دي، په ځان کې لري. همدا راز، د ملګرو ملتونو د اسکان پروګرام خبرداری ورکړی چې د ژمي د موسم د رانږدې کېدو سره، که د زلزله‌ځپلو لپاره مناسب کورونه جوړ نه سي، هغوی د یخنۍ او مړینې په خطر کې دي. نړیوال سازمانونه ټینګار کوي چې د سرپناه د جوړولو او د لومړنیو اړتیاوو د برابرولو وخت ډېر محدود دی.