د معمار پرس د خبر له مخې؛ د ارمنستان د بهرنیو چارو وزارت د شنبې په ورځ (د حمل ۲۳مه) اعلان وکړ چې د دغه هیواد د بهرنیو چارو وزیر ارارت میرزویان د انتالیا د ډیپلوماسۍ فورم په څنډه کې د اذربایجان جمهوریت د بهرنیو چارو وزیر جیحون بایراموف سره ولیدل.
خبرې اترې د دواړو هېوادونو ترمنځ د سولې پروسې په وروستیو پرمختګونو متمرکزې وې، په ځانګړې توګه د “د ارمنستان او اذربایجان ترمنځ د سوله ییزو او بین الحکومتي اړیکو د رامینځته کولو په اړه” د تړون د متن له نهایی کیدو وروسته.
د ارمنستان د بهرنیو چارو وزارت د یوې اعلامیې له مخې، دواړو خواوو د خبرو اترو اوسنی حالت وڅېړ او د خبرو اترو د دوام لپاره یې پر خپل چمتووالي ټینګار وکړ.
دا غونډه په داسې حال کې وشوه چې دواړه هېوادونه د ۲۰۲۵ کال د مارچ په ۱۳مه د سولې د تړون د مسودې په متن موافقې ته ورسېدل، خو د هغې د وروستي لاسلیک په وړاندې خنډونه لا هم پاتې دي.
