د ارزو تلویزیون کارکوونکي په موقتي توګه په ضمانت خوشي شول

د معمار پرس د خبر له مخې؛ د افغانستان د خبریالانو مرکز اعلان کړی چې د ارزو ټلویزیون اوه کارکوونکي له دوو اونیو نیول کېدو وروسته په موقت ډول د طالبانو له خوا خوشې شوي دي. خو ارزو ټلویزیون لا هم د فعالیت اجازه نه لري او د دغو کارکوونکو محکمه به راتلونکې اوونۍ ترسره شي. د افغانستان د خبریالانو مرکز د دغو کارکوونکو د بې قید او شرطه خوشې کېدو او پر دوی د لګول شویو تورونو د لغوه کېدو غوښتنه کړې ده. طالبانو ویلي چې د دغو نیول کېدو لامل د اسلامي ارزښتونو ساتل او له رسنیو د ناوړه ګټې اخیستنې مخنیوی دی.