د اردوغان سره د احمد الشرع لیدنه؛ د سوریې او ترکیې په اړیکو کې یو نوی ګام

د معمار پرس د خبر له مخې؛ د سوریې د انتقالي حکومت مشر احمد الشرع څو ساعته وړاندې د ترکیې د ولسمشر رجب طیب اردوغان په رسمي بلنه انقرې ته ورسید. دا غونډه چې د سې شنبې په ورځ وشوه، په وروستیو میاشتو کې د ترکیې او سوریې د چارواکو ترمنځ لومړۍ رسمي غونډه ده. د غونډې جزئیات لا نه دي خپاره شوي، خو ټاکل شوې ده چې د الشرع او اردوغان ترمنځ یو مطبوعاتي کنفرانس وروسته ترسره شي. د الشرع میرمن لطیفه الدروبي، چې په دې سفر کې ورسره ملګرې ده، د ترکیې د ولسمشر له میرمنې، امینه اردوغان سره هم ولیدل.