د معمار پرس د خبر له مخې؛ د ترکیې پولیسو د استانبول ښاروال او د اپوزیسیون یو مشهور مشر اکرم امام اوغلو د فساد او ترهګرو ډلو سره د اړیکو په تور نیولی دی.
دا اقدام د اوږدې مودې تحقیقاتو وروسته ترسره شو، او د نږدې ۱۰۰ نورو کسانو د نیولو امرونه صادر شوي دي.
د جمهوري غوښتونکو د خلکو ګوند (CHP) او نورو مخالفو ګوندونو د اکرم د نیول کېدو غندنه کړې او دا یې د اردوغان د سیاسي سیال د له منځه وړلو هڅه بللې ده.
دا پېښه یوه ورځ وروسته له هغه وشوه چې د استانبول پوهنتون د امام اوغلو او څو نورو کسانو درجې لغوه کړې، دا یو داسې اقدام دی چې کولای شي د ولسمشرۍ په ټاکنو کې د هغه د ګډون چانس کم کړي.
