د احصائیې ادارې د روان کال په لومړیو شپږو میاشتو کې د ۷۰ زره د زیږون کارتونو د وېش خبر ورکړ

د معمار خبري آژانس د راپور له مخې؛ د احصائیې او معلوماتو ملی ادارې اعلان وکړ چې د روان هجري لمریز کال د لومړیو شپږو میاشتو په ترڅ کې د هېواد ۷۰ زره او ۱۹۲ تنو وګړو ته د زیږون کارتونه وېشل سوي، چې تر ټولو ډېر یې په کابل، خوست، بلخ، ننګرهار او هرات ولایتونو کې دي. د احصائیې او معلوماتو ملی اداره وايي چې د روان هجري لمریز کال د لومړیو شپږو میاشتو په ترڅ کې یې د هېواد په کچه د ۷۰ زره او ۱۹۲ تنو وګړو لپاره د زیږون کارتونه وېشلي دي. له دې شمېرې څخه، ۴۶ زره او ۴۹۳ د زیږون کارتونه لويانو ته او ۲۳ زره او ۶۹۹ د زیږون کارتونه ماشومانو ته وېشل سوي دي. د دې ادارې په وینا، په دې موده کې تر ټولو ډېر د زیږون کارتونه د کابل، خوست، بلخ، ننګرهار او هرات ولایتونو کې وېشل سوي دي.