د معمار خبري آژانس د راپور له مخې، شوکت میرضیایف د منځنۍ آسیا د هېوادونو د مشرانو په اوومه مشورتي ناسته کې چې په تاشکند کې ترسره سوه، د آمودریا د حوزې د شریکو اوبو د مدیریت په برخه کې د افغانستان د ګډون د اهمیت یادونه وکړه. یاده ناسته د منځنۍ آسیا د شپږو هېوادونو د مشرانو په ګډون جوړه سوې وه چې اصلي تمرکز یې د سیمهییزو همکاریو پیاوړتیا، په ځانګړې توګه د اوبو امنیت، اقلیمي بدلونونو او پایداره پرمختګ پر موضوعاتو وو.
میرضیایف وویل، افغانستان د آمودریا په حوزه کې دلوړ موقعیت لرونکی هېواد په توګه باید د پرېکړو او سیمهییزو مذاکراتو برخه وي. د هغه په باور، د افغانستان له ګډون پرته، د اوبو عادلانه مدیریت او پایدارتوب ستونزمن دی. افغانستان په وروستیو کلونو کې د کمال خان بند او نورو پراختیايي پروژو په جوړولو سره د آمودریا د سرچینو په مدیریت کې اغېزمن سیمهییز لوبغاړی ګرځېدلی، هغه موضوع چې د لاندېجریان هېوادونو لکه اوزبکستان او ترکمنستان د اندېښنو لامل سوې ده.
