جوزپ بوریل: اروپايي ټولنه تایوان د یوه هیواد په توګه په رسمیت نه پیژني

د معمار پرس د خبر له مخې؛ په ورته وخت کې چې د امریکا حکومت له تایوان سره غیر رسمي اړیکې لري او دغې ټاپو ته وسلې لېږي، د تایوان پر سر د امریکا او چین ترمنځ کړکېچ زیات شوی دی ځکه چې بیجینګ د تایوان ټاپو د خپلې خاورې یوه برخه ګڼي او په دې مسله کې د لویدیځو هیوادونو هر ډول لاسوهنه د “خپل حاکمیت څخه سرغړونه” ګڼي. د اروپايي ټولنې د بهرنۍ تګلارې مسوول “جوزف بوریل” له “فارن پالیسي” مجلې سره په مرکه کې د تایوان مسله په ګوته کړه او ویې ویل: “اروپايي اتحادیه باید ډاډ ترلاسه کړي چې د تایوان په سر پوځي جګړه نه پیلیږي.” هغه زیاته کړه: موږ باور لرو چې تاوتریخوالی کم کړو. موږ باید د جګړې قانون ته پام وکړو او موږ باید د دې ستونزې لپاره د نظامي حل هر ډول احتمال بې طرفه کړو. د يو چين په لور زموږ ټينګ دريځ دا دی چې تايوان د يو هېواد په توګه په رسمیت نه پيژنو. موږ به له دې خاورې سره کلتوري او اقتصادي اړیکې ولرو، پرته له دې چې دا په رسمیت وپیژنو. بوریل زیاته کړه چې اروپايي ټولنه د نړۍ له ټولو هېوادونو غواړي چې “په دې پوه شي چې د دې ستونزې لپاره پوځي حل لاره نشته.”