د معمار پرس د خبر له مخې؛ د جرمني د بهرنیو چارو وزارت اعلان کړی چې طالبان د افغان ښځو او نجونو لپاره یو “ټولنیز زندان” جوړوي.
د سې شنبې په ورځ، د حوت په ۱۴مه، دغه وزارت په ایکس کې یو پیغام خپور کړ، چې د طالبانو په وروستیو پریکړو یې په کلکه نیوکه وکړه.
په دې پریکړو کې د کړکیو جوړولو بندیز او د ښځو د عامه انځورونو پاکول شامل دي.
په پیغام کې لیکل شوي دي: “نن ورځ، موږ د افغان ښځو او نجونو غږونه اورو او د افغانستان د قوانینو د سرغړونو په اړه د افغانستان د مدني ټولنې فعالینو سره مشوره کوو.”
د یادونې وړ ده چې طالبانو افغان ښځې او نجونې د زده کړې، کار او شخصي آزادیو له لاسرسي څخه محرومې کړې دي.
