د معمار خبري اژانس د راپور له مخې ؛ جان اچکزي، د پاکستان د بلوچستان ایالت پخوانی د اطلاعاتو وزیر، د یکشنبې، د ۲۶ دلو په ورځ د میداني راپورونو پر بنسټ د افغانستان د سخت دریځو ډلو وروستۍ پېښې «ډېرې خطرناکې او جوړښتي» وبللې او خبرداری یې ورکړ چې القاعدی اوس د خپلو فعالیتونو نوې پړاو پيل کړې دي.
هغه وویل چې څرګندونې ښايي دې ډلې نه یوازې خپل شتون ثبت کړی، بلکې د روزنې، سازمان ورکولو او د عملیاتو همغږۍ لپاره نوي بنسټونه جوړوي.
اچکزي زیاته کړه چې دا نوي روزنیزي پوځي څانګې په ننگرهار، کنړ، خوست، پنجشېر، تخار، نیمروز او بدخشان کې جوړې سوي دي؛ هغه سیمې چې په دودیز ډول د سخت دریځو ډلو ځای ګڼل کېږي، خو اوس د زیات تمرکز او یووالي نښې هم لیدل کېږي.
اچکزي همدارنګه د محمد جعفر جمال القحطاني د بیا راستنیدو یادونه وکړه، چې د القاعده یو پخوانی قوماندان دی، او ویې ویل چې دغه راستنیدل د نظارت او د عملیاتو د همغږۍ د ګډو جوړښتونو په رامنځته کولو سره ملګری دی.
د هغه په باور، دا پرمختګونه ښایي چې القاعده د خپل سازماني ځواک بیا رغونه کوي او د نړیوالو عملیاتو لپاره نوې شبکه جوړوي. که دا لړۍ دوام وکړي، افغانستان به بیا د سیمې او نړۍ لپاره د ګواښونو مرکز وګرځي.
دا څرګندونې په داسې وخت کې مطرح کېږي چې د ملګرو ملتونو د امنیت شورا د بندیزونو څار کمیټې نوې راپور هم د افغانستان د امنیتي وضعیت اندیښمنونکي انځور وړاندې کړي دي.
