ترکيې ته د افغان ښځو د مهاجرت اصلي لامل پر ښځو محدوديتونه دي

د معمار پرس د راپور له مخې، په اروپا کې د مهاجرت د مخلوط مرکز (MMC) د څیړنو پایلې ښيي چې په افغانستان کې د طالبانو له بیا واکمنۍ سره د ښځو له اساسي حقونو څخه بې برخې کېدل ترکیې ته د هغوی د مهاجرت اصلي لامل بلل کېږي. په دې څیړنه کې راغلي: “له حقونو او آزادیو څخه محرومیت د هغو ښځو د مهاجرت تر ټولو عام لامل دی چې د طالبانو له واکمنۍ وروسته له افغانستانه وتلي دي.” له بلې خوا “جنسي تبعیض” په ځانګړې توګه د هغو ځواب ورکوونکو په منځ کې چې د ۲۰۲۱ کال له اګست میاشتې وروسته له افغانستانه وتلي، د ښځو د وتلو یو بل دلیل دی.