د برتانیا دفاع وزارت اعلان کړی چې د افغانانو لپاره د افغان کډوالو د انتقال پروګرام (ARR) ځنډول شوی دی.د دې پریکړې له مخې، یوازې هغه افغانان چې د ۲۰۲۴ کال د جولای له ۴مې نیټې څخه مخکې یې رسمي بلنه ترلاسه کړې وي، د امنیتي پروسیجرونو له تیریدو وروسته به بریتانیا ته داخل شي.
د معمار پرس د خبر له مخې؛ د برتانیا دفاع وزارت په رسمي ډول اعلان کړی چې د افغانانو د انتقال پروګرام (ARAP) یا ARR ځنډول شوی دی.
د وزارت لخوا په خپره شوې اعلامیه کې ویل شوي چې د پروګرام ځنډول د پراخو امنیتي ارزونو وروسته او د خپلواکو تحقیقاتو د موندنو پراساس شوي دي.
