د معمار پرس د خبر له مخې؛ په لندن کې د افغانستان د سفارت له تړلو وروسته، د برتانیا حکومت د سفارت له ودانۍ څخه د جمهوریت درې رنګه بیرغ لرې کړ.
دا د ۱۴۰۳ هجري شمسي کال د میزان په میاشت کې ترسره شو او د اروپا د پالیسۍ یوه برخه ګڼل کیږي چې له طالبانو سره اړیکې عادي کړي.
د برتانیا د بهرنیو چارو وزارت ادعا کړې چې د سفارت تړل د “افغان حکومت” په غوښتنه شوي او دوی په دې کې هیڅ رول نه درلود.
خو په لندن کې د افغانستان پخواني سفیر زلمي رسول دا ادعا رد کړه او ویې ویل چې طالبانو د سفارت کارکوونکي له دندې ګوښه کړي او برتانیا ته یې د یوه لیک په لیږلو سره یې فعالیتونه لغوه کړي دي.
د هغه په وینا، له دې لیک وروسته، بریتانیا کارمندانو ته د سپتمبر تر ۲۷ پورې وخت ورکړ چې سفارت وتړي.
