ایران: له افغانستان او پاکستان سره د پولو د تړلو پلان دوام لري

د معمار پرس د خبر له مخې؛ د ایران د وسله والو ځواکونو د انجینرۍ څانګې مشر حسین موسوي اعلان وکړ چې د افغانستان او پاکستان سره د ایران د پولو د تړلو پلان په اجنډا کې دی، او دا پروژه به د اتو کلونو په موده کې پلي شي. د موسوي په وینا، په شمال ختیځ سیمه کې د پولې د بندولو مسؤلیت د ایران د پوځ د ځمکنیو ځواکونو او په جنوب ختیځ کې د ایران د انقلابي ګارډ د ځمکنیو ځواکونو د انجینرۍ مسؤلیت دی. هغه ادامه ورکړه، “د دې اقدام موخه د مخدره توکو، انسانانو، وسلو او امنیتي ګواښونو مخنیوی دی.”