د معمار خبري آژانس د راپور له مخې؛
د راپورونو په اساس، د طالبانو د لوړو زدهکړو وزارت یو پلاوی د ندا محمد ندیم په مشرۍ، د لوړو زدهکړو وزیر د علمي او پوهنتونیزو همکاریو د پیاوړتیا لپاره تهران ته سفر کړی دی.
د افغانستان د لوړو زدهکړو وزارت په وینا، دا سفر د ایران د رسمي بلنې په اساس ترسره سوی او په دې جریان کې به دواړه خواوې د تعلیمي، څېړنیزو او علمي تبادلو د پراختیا په اړه خبرې اترې وکړې.
د لوړو زدهکړو وزیر د سفر پلان کې د ایران د لوړپوړو علمي چارواکو سره لیدنې او د دې هیواد د څو پوهنتونونو او څېړنیزو مرکزونو څخه لیدنه شامله ده.
