د معمار پرس د خبر له مخې؛ د ایران د اسلامي جمهوریت د بهرنیو چارو وزارت د چهارشنبې په ورځ، د اسد په ۸مه، اعلان وکړ چې د ایران د بهرنیو چارو وزیر سید عباس عراقچي د تاجکستان پلازمینې دوشنبه ته د رسمي سفر په ترڅ کې له ولسمشر امام علي رحمان سره وکتل او د ایران او تاجکستان ترمنځ د دوه اړخیزو اړیکو د پیاوړتیا او د سیمه ییزو پرمختګونو د بیاکتنې په اړه یې خبرې وکړې.
ښاغلو عراقچي او رحمان د دې مسلو په اړه خپل نظرونه او تحلیلونه شریک کړل او د سیمه ییزو پرمختګونو، په ځانګړې توګه په افغانستان کې د همغږۍ لپاره د دوامداره مشورو پر اهمیت یې ټینګار وکړ.
دواړو خواوو په سیاسي، اقتصادي او کلتوري برخو کې د دوه اړخیزو همکاریو د پراخولو پر لارو چارو هم بحث وکړ.
