اوچا: افغانستان د مرستو رسولو لپاره په نړۍ کې یو له خطرناکو سیمو څخه دی

د معمار پرس د خبر له مخې؛ نن دوشنبه د اسد ۲۹مه اوچا په یوه خبرپاڼه کې دا خبره کړې ده چی په افغانستان کې د ۲۰۲۱ کال له اګسټ وروسته د جګړې په کمېدو سره؛ خو د ښځو پر وړاندې د طالبانو سختو محدودیتونو، په ځانګړې توګه د زده کړې او کارموندنې په برخو کې، د مرستندویه کارکونکو لپاره اړمنو سیمو ته رسیدل یوه جدي ننګونه کړې ده. په دغه اعلان کې راغلي، دې محدودیتونو روغتیا، تعلیم او خوراکي خدمتونو ته د ښځو لاس رسی محدود کړی او لرې پرتو سیمو ته یې د مرستو رسول ستونزمن کړي دي. اوچا ویلي چې د نړیوالو بنسټونو کارکوونکو په ۲۰۲۳ کال کې په افغانستان کې ۳۲،۱ میلیونه وګړو ته خدمات وړاندې کړي دي.