انګیلا میرکل: په افغانستان کې د بهرنیو حکومتونو موخې ناکام شول

د جرمني پخوانۍ لومړۍ وزیرې انګیلا میرکل د بوندستاګ د تحقیقاتي کمیټې په وړاندې په خپله شهادت اعتراف وکړ چي په افغانستان کې بهرني حکومتونه د قانون د حاکمیت او د ښځو د حقونو په ګډون په خپلو نږدې ټولو موخو کې پاتې راغلي دي. میرکل ټینګار وکړ چې د لویدیځو متحدینو په برخه کې د کلتوري تفاهم نشتوالی، پراخ فساد او د مخدره موادو قاچاق د دغو ناکامیو له اصلي عواملو څخه دي. هغه د ډیرو ناکامیو د منلو سره سره، د “امریکا په مشرۍ یرغل” کې د جرمني پوځي مداخله سمه پریکړه وګڼله او ویې ویل: “هیله وه چې دا مداخله به په افغانستان کې د ترهګریزو بریدونو د پلانولو مخه ونیسي.”