د معمار پرس د خبر له مخې؛ د طالبانو د حکومت د بهرنیو چارو وزیر امیر خان متقي له الجزیرې سره په یوه ځانګړې مرکه کې ادعا وکړه چې له افغانستان څخه د امریکایي ځواکونو له وتلو وروسته، هیواد د پام وړ سیاسي او امنیتي ثبات ترلاسه کړی دی.
هغه زیاته کړه چې د افغانستان حکومت اوس یو واحد مرکزي حکومت لري چې د هیواد ټولې سیمې کنټرولوي.
متقي، چې دا مهال د قطر په رسمي بلنه په دوحه کې دی، د افغانستان د سولې په پروسه کې د دغه هېواد رول “رغنده” وباله.
هغه د افغانستان او قطر ترمنځ په مختلفو برخو کې د دوه اړخیزو همکاریو د دوام اعلان وکړ او ویې ویل چې دا همکاري کولای شي د افغانستان په اقتصادي او ټولنیز پرمختګ کې مرسته وکړي.
