د معمار پرس د خبر له مخې؛ په یوه ناڅاپي او اندېښمن اقدام کې، د متحده ایالاتو حکومت د افغان کډوالو د ځینو دایمي استوګنې (ګرین کارتونو) د لغوه کولو پروسه پیل کړې ده.
دا پریکړه، چې د عامه خبرتیا پرته وشوه، د افغان کډوالو ټولنې او د بشري حقونو سازمانونو ترمنځ د اندیښنې څپه راپورته کړې ده.
د سرچینو په وینا، د دې اقدام اصلي لامل د ځینو شرکتونو د اعتبار په اړه شکونه دي چې د SIV ویزې تصویبونو په صادرولو کې ښکیل دي.
دغو شرکتونو ظاهرا مهاجرینو ته د کارموندنې ملاتړ اسناد پرته له کوم احتیاط یا د پیسو په بدل کې ورکړي دي.
ویل کیږي چې په وروستیو میاشتو کې د سلګونو افغان کډوالو ګرین کارتونه لغوه شوي دي.
