امریکا ته د ایران د ولسمشر سفر

د معمار پرس د خبر له مخې؛ د ایرنا خبري آژانس د خبر له مخې: د ایران ولسمشر مسعود پزشکیان د یوه لوړ پوړي پلاوي په مشرۍ نن سهار (یکشنبه د میزان ۱) د ملګرو ملتونو په ۷۹ عمومي غونډه کې د ګډون لپاره نیویارک ته ولاړ. د راپورونو له مخې، د ایران ولسمشر به د ملګرو ملتونو په عمومي غونډه کې د ګډون او وینا سربیره د راتلونکي تړون د مشرانو په غونډه کې هم وینا وکړي. نوموړی به د عمومي اسامبلې په ۷۹مه غونډه کې د ګډون کوونکو هېوادونو له یو شمېر مشرانو سره هم لیده کاته ولري. دا د ایران د ولسمشر په توګه امریکا ته د پزشکیان لومړی سفر دی.