د معمار پرس د خبر له مخې؛ سید مصطفی حکیمي، چې د هرات ولایت یو تکړه او با استعداده ځوان دی، د سعدي شیرازي په ۱۴م نړیوال فستیوال کې د ګډون له لارې د “غوره ۲۰ آسیایي انانسرانو” په کټګورۍ کې لومړی مقام وګاټه.
دا کلتوري او ادبي جشن هر کال د ایران د مشهور شاعر سعدي شیرازي د لوی مقام د یادولو لپاره په نړیواله کچه ترسره کیږي او د مختلفو آسیایي هیوادونو ګډونوال پکې سیالي کوي.
په دې موده کې، د مختلفو هیوادونو څخه له ۱۰۰ څخه زیاتو ځوانو انانسرانو په سیالۍ برخه کې برخه اخیستې وه، خو سید مصطفی حکیمي وکولای شول چې د خپل اغیزمن فعالیت او غوره مهارت سره د منصفه پلاوي پام ځانته راواړوي، او افغانستان یې لومړی مقام خپل کړ.
د هرات ولایت د طالبانو د اطلاعاتو او کلتور ریاست د کلتوري مرستیال حمیدالله غیاثي دې بریالي ځوان ته مبارکي وویله او ټینګار یې وکړ چې د اطلاعاتو او کلتور ریاست په علمي، هنري او کلتوري برخو کې د ځوانانو ملاتړ کوي او د هغوی تر څنګ ولاړ دی.
