د معمار خبري اژانس د راپور له مخې؛ د افغانستان د کرکټ ملي لوبډلې د شلاوره نړیوال جام په سیالیو کې د پنځو وېکټو په توپیر او یوازې د څلورو توپونو په پاتې کېدو متحده عربي اماراتو ته ماته ورکړه او په دې سیالیو کې یې خپله لومړۍ بریا ترلاسه کړه.
دغه په زړهپورې لوبه د ارون جېټلي په لوبغالي کې ترسره سوه. د افغانستان لوبغاړو په منظمې لوبې او ګډو هڅو خپل سیال ټیم ته ماته ورکړه.
دا بریا نه یوازې د شلاوره نړیوال جام په تاریخ کې د افغانستان لومړۍ بریا ده، بلکې کولای سي د راتلونکو سیالیو لپاره هم د لوبډلې روحیه پیاوړی کړي.
کارپوهان او مینوال باور لري چې د متحده عربي اماراتو پر وړاندې د افغانستان دا بریالۍ لوبه ښايي چې ملي لوبډله د اسیا له پیاوړو لوبډلو سره د سیالۍ بشپړه وړتیا لري او کولای سي په راتلونکو پړاوونو کې نورې بریاوې هم خپلې کړي.
