افغانستان د ۲۰۲۷ کال د آسیايي جام مقدماتي سیالیو کې د پاکستان پر وړاندې چمتو دی

د معمار خبری آژانس د راپور له مخې، د افغانستان د فوټبال فدراسیون د فوټبال ملي لوبډلې ۲۳ لوبغاړو فهرست د پاکستان پر وړاندې د دوو حساسو لوبو لپاره اعلان کړ. د ملي لوبډلې ایټالوي سرمربي وینچنزو آلبرتو د ۲۳ کسیزې ډلې فهرست په لاندې ډول اعلان کړ: شریف محمدي (کاپیتان)، اویس عزیزی، فیصل حمیدی، عیسی عزیزی، محبوب حنیفی، عمید آرزو، محمد نعیم رحیمی، حبیب‌الله عسکر، الیاس منصور، سلیمان زرمتی، قمرالدین مازیار کوه‌یار، جمشید اچکزی، علی‌رضا پنهاهی، ذوالفقار نظری، رحمت اکبری، امید موسوی، یما شیرزاد، توفی سکندری، سید مرتضی فاطمی، حسین زمانی، امید پوپل‌زی، فرید سادات او جبار شرزه. دا سیالۍ د ۲۰۲۷ کال د آسیايي جام په دریم پړاو مقدماتي لوبو کې ترسره کېږي، او د افغانستان ملي لوبډله به د ۱۴۰۴ کال د میزان په ۱۷مه او ۲۲مه د پاکستان پر وړاندې میدان ته راوځي. سرمربي وینچنزو آلبرتو دا لوبغاړي په داسې حال کې ټاکلي چې افغانستان په دې پړاو کې په دوه مخکینیو لوبو کې له میانمار څخه په ۲–۱ او له سوریې څخه په ۱–۰ ماتې خوړلې او د پنځم ګروپ په درېیم مقام کې پرته له امتیازه پاتې دی. د دې ګروپ په جدول کې سوریه د دوو لوبو له شپږو امتیازو سره په سر کې ده، میانمار د شپږو امتیازو سره په دویم ځای کې دی، او افغانستان او پاکستان پرته له امتیازه په درېیم او څلورم ځایونو کې موقعیت لري.