د معمار خبري آژانس د راپور له مخې، د طالبانو تر کنټرول لاندې رسنیو د طالبانو د مهاجرینو د ستونزو د حل کمیسیون په حواله د دوشنبه ورځ د قوس په۱۷مه ویلي چې یوازې په یوه ورځ کې ۶۲۳ مهاجرې کورنۍ له سیمهییزو هېوادونو افغانستان ته راستنې سوي دي.
دا په داسې حال کې ده چې د راپورونو له مخې تېره ورځ هم له ۵۰۰ څخه زیاتې نورې افغان کورنۍ هېواد ته راستنې سوي دي.
د افغانستان د مهاجرینو د راستنېدو بهیر د سیمې هېوادونو، په ځانګړي توګه پاکستان د فشارونو او سختو سیاستونو په پایله کې شدت موندلی او د بشري وضعیت، لومړنیو خدماتو او د افغانستان د منلو ظرفیت په اړه اندېښنې زیاتې کړي دي.
