د معمار پرس د خبر له مخې؛ د ایران د اسلامي جمهوریت پلازمېنه د تهران د خبرو اترو د فورم کوربه توب کوي، چې ټاکل شوې ده د لوړ پوړو سیمه ییزو او نړیوالو چارواکو په شتون کې ترسره شي.
د ایران د بهرنیو چارو وزیر مرستیال او د فورم منشي سعید خطیب زاده اعلان وکړ چې د غونډې یو له اصلي موضوعاتو څخه به د افغانستان پورې اړوند پرمختګونو او مسلو بیاکتنه وي.
هغه زیاته کړه چې د افغانستان د سرپرست حکومت (طالبانو) د بهرنیو چارو وزارت سرپرست امیر خان متقي به په دې غونډه کې د یو ځانګړي میلمه په توګه ګډون وکړي.
