د معمار پرس د خبر له مخې؛ د کوچني اختر په مناسبت په یوه پیغام کې، پخواني افغان ولسمشر محمد اشرف غني د افغانستان له خلکو وغوښتل چې د نړیوالو بدلونونو او راتلونکو ننګونو لپاره چمتووالی ونیسي.
غني په نړیواله کچه پراخو پرمختګونو او په افغانستان کې داخلي کړکېچونو ته په اشارې سره ټینګار وکړ چې د پلان جوړونې او مسؤلیت پرته د یو هیواد اداره کول ممکن نه دي.
پخواني افغان ولسمشر په حکومتولۍ کې د شفافیت اهمیت هم یاد کړ او ټینګار یې وکړ چې مشران باید خلکو ته ځواب ویونکي وي.
هغه خبرداری ورکړ چې د حساب ورکولو او ټول شموله ګډون پرته، هیڅ هیواد د پرمختګ په لاره کې پرمختګ نشي کولای.
