د معمار پرس د خبر له مخې؛ په ملګرو ملتونو کې د اروپايي ټولنې استازي سټاوروس لامبرینیډیس په افغانستان کې د بشري حقونو په وضعیت، په ځانګړې توګه د ښځو او نجونو پر وړاندې د ظلم په اړه په کلکه نیوکه وکړه او د دې هیواد لپاره یې د ملګرو ملتونو د ځانګړي استازي د ټاکلو غوښتنه وکړه.
په ملګرو ملتونو کې د اروپايي ټولنې استازي په ۲۰۲۴ کال کې د طالبانو لخوا تصویب شوي “د امر بالمعروف او نهي عنالمنکر” قانون ته په اشارې سره وویل: “دا قانون د افغان ښځو او نجونو د حقونو او آزادیو په اړه یو بل برید دی.”
لامبرینیډیس زیاته کړه: “موږ د زده کړې، د حرکت، بیان او کار له آزادۍ څخه د ښځو محرومیت په کلکه غندو. طالبان باید ټول محدودیتونه لرې کړي او د افغانستان د نړیوالو مکلفیتونو اطاعت وکړي.”
