اردوغان: په غزه کې د اوبو او برېښنا بندول له بشري حقونو څخه سرغړونه ده

د معمار پرس د خبر له مخې؛ د ترکیې ولسمشر رجب طیب اردوغان د سه شنبې په ورځ په انقره کې د اتریش له صدراعظم کارل نهمیر سره د کتنې پر مهال په غزه کې د اسراییلو له بشري حقونو څخه په سرغړونو انتقاد وکړ. اردوغان وویل چې اسراییل د غزې د اوبو او برېښنا په پرې کولو سره بشري حقونه تر پښو لاندې کوي. هغه دا هم وویل چې اسراییل په غزه کې د کلینیکونو او عبادت ځایونو په نښه کولو سره جنګي جنایت کوي.