د معمار پرس د خبر له مخې؛ د سوریې د نوي حکومت مشر احمد الشرع (ابو محمد الجولاني) د شنبې په ماښام د هیواد د ولسمشرۍ په ماڼۍ کې د یو لړ مراسمو په ترڅ کې د “بدلون او جوړونې” په نوم د نوې کابینې د جوړولو اعلان وکړ.
دا حکومت، چې د انتقالي دورې لپاره ټاکل شوی، لومړی وزیر نلري، او ټولې اجرایوي چارې په مستقیم ډول د احمد الشرع لخوا څارل کیږي.
د حکومت واک به تر هغه وخته پورې دوام وکړي چې ټاکنې ترسره شي، چې کېدای شي تر څلورو کلونو پورې وخت ونیسي.
نوې کابینه د سلفي غورځنګونو ته نږدې شخصیتونو څخه جوړه شوې ده، او د پخوانیو حکومتونو برعکس، نور سیاسي او مذهبي غورځنګونه، په ځانګړې توګه لیبرالان، په کې ځای نلري.
د سوریې نوی حکومت د افراطي شخصیتونو له ترکیب څخه جوړ شوی او هیڅ لیبرال جریان یا مخالفې ډلې پکې نه دي.
