د معمار وحدت د خبري اژانس دخبر له مخې: د ملګرو ملتو سرمنشي انتونیو ګوتریښ وايي، افغان نجونې لا هم ښوونځیو ته له تلو بې برخې دي. هغه په یوه ټویټ کې لیکلي چې له زده کړو د نجونو بې برخې کول او د نجونو د ښوونځیو تړل د ښځو له حقونو نه “بې دلیله سرغړونه” ده او افغانستان ته زیان رسوي.
ګوټریښ وویل چې نجونې باید ښوونځي ته لاړې شي.
د ملګرو ملتونو سرمنشي د شنبې په ورځ د سنبلې په ۱۲مه په یوه ټویټ کې لیکلي: “د [افغانستان] نجونې غواړي چي ښوونځي ته لاړې شي، خو لا هم له درسي ټولګيو بې برخې دي.”
ګوټریښ دا استثمار د مساوي حقونو څخه د نه توجیه وړ سرغړونه وبلله، کوم چې د هغه په وینا ټول هیواد ته زیان رسوي.
د يادونې وړ ده، چې تر شپږم ټولګي پورته د نجونو د ښوونځيو له تړل کېدو څه باندې يو کال تېرېږي.
د نجونو د ښوونځیو د بیا پرانستلو لپاره د داخلي او بهرنیو غوښتنو سره سره، دې ډلې د نجونو د منځنیو ښوونځیو د پرانستلو کومه نښه یا هیله نه ده ښودلې.
