په پاکستان کې د ۲.۹ میلیونه افغان کډوالو شتون

د معمار پرس د خبر له مخې؛ لکه څنګه چې له پاکستان څخه د افغان کډوالو د ایستلو لړۍ ګړندۍ شوې، د افغان کډوالو لپاره د پاکستان عالي کمیشنر (CCAR) اعلان وکړ چې دا مهال شاوخوا ۲.۹ میلیونه افغانان په پاکستان کې ژوند کوي. دا احصایې د پاکستان د سنا د سرحدي ولایتونو او سیمو د دایمي کمیټې په غونډه کې وړاندې شوې. د پاکستاني رسنیو د راپورونو له مخې، له دې شمېرې څخه ۱.۴ میلیونه په رسمي ډول راجستر شوي دي، پداسې حال کې چې ۰.۷ میلیونه یې په پاکستان کې د رسمي اسنادو پرته شتون لري. پاکستاني چارواکو د ۲۰۲۳ کال له وروستیو راهیسې د افغان کډوالو د ایستلو پروسه پیل کړې ده.