په سویلي کوریا کې د الوتکې د لوېدو په پېښه کې ۱۷۹ کسان وژل شوي دي

د معمار پرس د خبر له مخې؛ د سویلي کوریا چارواکو اعلان وکړ چې د موان ښار په هوايي ډګر کې د یوې الوتکې حادثې وروسته د دې الوتکې د ټولو ۱۸۱ مسافرینو څخه ۱۷۹ کسان مړه شوي او یوازې دوه تنه ژوندي پاتې دي. دغه الوتکه چې د سویلي کوریا د جیجو هوايي شرکت اړونده وه، د تایلنډ له پلازمېنې بنکاک څخه د موان هوايي ډګر ته روانه وه. خو د کښته کېدو پر مهال د هوايي ډګر له کټارو سره له لګېدو وروسته اور ولګېد. د سویلي کوریا د ولسمشرۍ دفتر پر دغې خونړۍ پېښې د خواشینۍ په څرګندولو سره، ټولو مسوولو بنسټونو ته امر کړی چې د ژوندي پاتې شویو کسانو د ژغورنې او د پېښې د لامل په اړه څېړنې وکړي.