په تېر کال کې په هېواد کې د ۳۷ علمي څېړنیزو پروژو چارې بشپړې شوې

د معمار پرس د خبر له مخې: د افغانستان د علومو اکاډمۍ نن دوشنبه (۱۴۰۳ کال د سنبلې ۲۶مه) په کابل کې د یوې خبري ناستې پر مهال وویل، چې په تېر کال کې ۳۷ علمي څېړنیزې پروژې بشپړې شوې او پر ۲۰۸ نورو پروژو کار روان دی. د دې ادارې د مسوولینو د معلوماتو له مخې، په تېر یوه کال کې د دې ادارې له خوا په بېلابېلو برخو کې ۵۷ کنفرانسونه او شپږ علمي – څېړنیز سیمینارونه جوړ شوي دي. د دې ادارې مسوولین زیاتوي، چې د تېر کال په ترڅ کې یې ۳۴ عنوانه کتابونه چاپ او ۲۵ عنوانه کتابونه ژباړلي دي.