په ایتوپیا کې یوې ترافیکي پېښې تر ۷۰ زیات کسان وژلي دي

د معمار پرس د خبر له مخې؛ په ایتوپیا کې د یوې ترافیکي پېښې له امله لږ تر لږه ۷۱ کسان مړه شوي دي. پېښه هغه مهال رامنځ ته شوه، چې له مسافرو ډک موټر سیند ته ولوېد. د راپورونو له مخې، دا پېښه د بونا په سیمه کې چې د سیداما په جنوب کې موقعیت لري رامنځته شوې ده. د سیداما سیمه ایز حکومت ویاند ووسنیله سیمیون اعلان وکړ چې په قربانیانو کې ۶۸ نارینه او ۳ میرمنې شاملې دي.