قطر ګواښ کړی چې اروپا ته به د ګازو صادرات بند کړي

د معمار پرس د خبر له مخې؛ د قطر حکومت ګواښ کړی چې که د اروپا د ککړتیا د نویو قوانینو له مخې له جریمې سره مخ شي، د اروپايي ټولنې هېوادونو ته به د ګازو صادرات بند کړي. د قطر د انرژۍ وزیر “سعد الکعبي” له فایننشل ټایمز سره په مرکه کې ویلي چې که د اروپايي اتحادیې هیوادونه د اقلیم معیارونو سره د نه اطاعت کولو لپاره جریمې پلي کړي، دوحه به اروپایی اتحادیې ته د مایع طبیعي ګاز صادرات بند کړي. د اروپايي اتحادیې د اقلیم نوي قانون د دې بلاک غړي هیوادونه اړ کړي چې د شرکت عاید لږترلږه ۵٪ د جریمې په توګه په پام کې ونیسي.