طالبانو په ننګرهار کې د ښځو لپاره د سمارټ فونونو پر کارولو بندیز ولګاوه

د معمار پرس د خبر له مخې؛ د ننګرهار ولایت سیمه ییزو سرچینو خبر ورکړی، چې د وسله والو طالبانو د امر بالمعروف او نهي عن‌المنکر ریاست د جلال اباد ښار په بازارونو کې د ښځو لپاره د سمارټ فونونو پر کارولو بندیز لګولی دی. د سرچينې د معلوماتو له مخې، د دې رياست مسوولينو د جلال اباد ښار له بازارونو ليدنه کړې او مېرمنو ته يې د دې کار اخطار ورکړى دى که چیرې یو سمارټ فون له دوی سره وموندل شي، دا وسایل به ضبط شي. ځايي طالبانو تر اوسه په دې اړه کوم غبرګون نه دی ښودلی. تر دې مخکې په کندهار ولایت کې هم د ښځو لپاره د سمارټ فون کارول «حرام» اعلان شوي وو.